1. Rende KEE 319 : 1,2 “Sada Soranta Muji Dibatanta”
1.Sada soranta muji Dibatanta, IA jine si njayam keg’Iuhenta
Lalap ia ‘ngkelengi tinepaNa, maler me kap tetap pasu-pasuNa
2.Sada soranta muji Dibatanta, slamat kita ban perkuah atena
Alokenna kita jadi anakna, maler me kap pasu-pasuNa
2. Renungen :
Joha nes 17: 20-26 (lbenai ras idungi alu pertoton)
Tema : Ertoto Sapaat Guna Kerinana
Johanes 17: 20-26 menceritaken situasi ija Tuhan Yesus lit i taman Getsemane janah ertoto. Topik toto Tuhan Yesus eme kerna ajar-ajarNa ras kerina kalak si tek ras ngikutken la. Tuhan Yesus ertoto sapaat segelah kerina kita si tek man la banci ersada. Ersada kita ras Kristus, ersada kita ibas perpulungen. Bagi Tuhan Yesus enggo nuduhkan sada contoh man banta ibas notoken kalak sideban, maka kita pe harus ras wajib notoken teman¬temannta ras kerina hal si perlu ibaba ibas toto. Kristen yang sejati eme Kristen si ertoto.
Toto sapaat. Kai kin arti toto sapaat? Toto sapaat / doa syafaat eme toto si itujuken man kalaksi deban, labo guna notoken kebutuhen pribadinta entah pe kebutuhen keluarganta saja. Toto sapaat murni itujukan man kalak i luar lingkungan pribadinta. Kidekah enda lit denga kita si masih mencampurkan kepentingan pribadi ibas toto sapaat, emaka tema ras bahan renunganta sendah kita ibabai guna memahami kai kin situhuna toto sapaat e.
Terlebih Tuhan Yesus situhuna enggo leben notoken kita segelah ngasup kita ngusih la ibas notoken kalak si deban. Ersada si imaksudken Tuhan Yesus ibas totoNa, eme kiniersadaanta ras la si terwujud ibas aspek pelayanen i tengah¬tengah gereja, sada visi-misi bertumbuh ibas kiniteken, mpebelangken beritaNa, ras jadi pendoa-pendoa sapaat si notoken kalak si deban ras situasi-situasi si perlu i baba i bas toto. Lit sada ilustrasi si mungkin enggo rusur ioge kita ras ibegi kita arah khotbah, eme kerna 5 Jari Berdoa. Ilustrasi enda banci mereken gambaran man banta terlebih ibas menyusun topik doa sapaat.
Jari jempoL Sanga kita lipat tan ertoto, maka jari jempol eme jari si ndeherna ras kita, emaka ertotolah man kalak/ keluarga/ sahabat si ndeher ras kita / yang kita kasihi
Jari telunjuk. Enda jari si fungsina jadi penunjuk. Ertotolah man kerina kemahen/ serayan Tuhan si melayani i tengah-tengah gerejanta. Erotolah man kerina guru si ngajari anak-anakta. Ertotolah man kerina tenaga kesehaten si mengarahkan kita segelah menjaga kesehatenta, si berjuang menolong kita terlebih ibas wabah pandemi covid-19 enda.
Jari tengah. Enda me jari si meganjangna. Ertotolah man kerina pemimpin i tengah-tengah bangsanta, mulai dari jajaran terbawah hingga teratas, pemimpin-pemimpin organisasi sosial ras bisnis. Ertotolah segelah ia ndatken hikmat ras kepentaran arah Dibata, mbiar man Dibata, ertanggung jawab i bas ndalanken tugasna, memperhatikan rakyat, ras mereken solosi guna kesejahteraan ras kemajuan masyarakat.
Jari manis. Enda jari si paling lemah. Ertotolah man kerina kalak si tertimpa musibah, menderita sakit pinakit, mengalami kelaparan, itindas, kalak si lemah. Mereka semua membutuhkan totonta bage pe perhatian ras penampatnta.
Jari kelingking. Jari si terakhir enda, eme jari si terkecilna i antara jari si deban. Enda me jari si mengajarkan kita uga seharusnya kita bersikap i adepen Dibata: meteruk ukur. Kita manusia si dem alu kekurangen, ras rusur ngelakoken dosa. Ertotolah, segelah Tuhan Yesus meminpin kegeluhenta, ngajari kita, ras mpengasup kita guna ngusih perbahanenNa.
3. Persembahen KEE 315: 1-2 “Simpar Tuhu PemereNdu”
1.Simpartuhu pemerenNdu, jujurkenNdu kap man bangku
Ermengkah kal ma ukurku, la ‘ku lupa lias ateNdu
Reff• AlokenNdu oTuhanku, persembahen anakNdu
Usekenlah pasu-pasu, peteguhi perpulungenndu
2.Benih si isuan kamu, e pe kap i bas Kam nari
KuasaNdu mahanca turah, KuasanNdu mahanca erbuah
Reff• AlokenNdu oTuhanku, persembahen anakNdu
Usekenlah pasu-pasu, peteguhi perpulungenndu
4. Toto persembahen ras Sapaat
5. Pertoton Tuhan