KEBAKTIN PEKAN DOA WARI-V KAMIS 28 MEI 2020

1. Rende KEE No. 463 : 1-2

1. Kita nggo menang (4X)
Reff: I bas Kristus Tuhan, Kita nggelu h, Sidat me kemenangen
2. M’riah ukurta (4X)
Reff: lbas KristusTuhan, Kita nggeluh, Sidat me kemenangen

2.Ertoto Guna Renungen

3.Renungen :

Nats: Masmur 72 : – 1 —7

Tema :   “ERTOTO GUNA PEMIMPIN BANGSA”

Masmur 72 : 1-7 eme pertoton raja Daud man raja Salomo selaku raja Israel simbaru guna ngantiken ia ibas umurna sienggo metua(20) Pengharap en sekalak bapa nandangi anakna singantiken ia gelah min ibas masa pemerintahen si mbaru lit ije keadilen, kebenaren, damai sejahtra, lanai lit kekerasen, bagepe pembebasen man kalak sitertindas ras musil. Daud ngidah maka guna banci memimpin sada kerajaan si pertama kel lebe eme kerna undang-undang Tuhan e si pemenana kel harus idalanken ras ipatuhi (1) alu matuhi undang-undangTuhan banci mereken kebujuren man raja(1b) gelah banci irungguina kerina rakyatna alu la pandang status sosialna. Selanjutna ibas matuhi undang-undang Tuhan erbahanca raja memerintah alu keadilen, ras alu kebujuren. Adi lit ije keadilen ras kebujuren dampakna Rakyat banci nggeluh alu teneng, erdahin alu semangat ibas kerina pendahinna tentuna mbaba kiniulin man kerina rakyat. Banci ibayangken adi raja penganti Daud la patuh man undang-undang Tuhan tentuna banci mereken dampak kurang mehuli. Raja Salomo mewarisi kekayan ibas bapana nari kurang lebih Rp.2.400 triliun. Adi la lit mbiar man Dibata banci erbahanca Salomo jadi raja si semena-mena, meganjang ukur ras pe la bujur dingen pe adil. Emaka ibas I Raja-Raja 3 : 5 —12, Salomo mindo man Dibata gelah ibereken man bana hikmat ras kebijaksanaan guna memimpin rakyatna. Kiniulin raja banci min bali ras udan sinaktat i bas mbalbal ras udan meder ngelitapi juma-juma (6) tentuna enda banci lit min dampakna man manusia ku lebena , alu encedaken Sodom gelah turah generasi si mbaru si erkemalangen man Tuhan. Banci jadi ibas kegeluhenta, sekelewetta, la kurang bue kejahaten, penakit sosial si merebak, malah ibas paksa enda terjadina pandemi covid -19 si maba kebiaren luar biasa man banta, musuh si la teridah, si ngasup menggagalken kerina rencana, program mulai pribadi seh tingkat dunia. Uga sikapta selaku kalak si enggo ipilih Dibata jadi maba pasu-pasu ku bas kegeluhen enda: Jadiken Pertoton jadi orat geluhta, bagi kesah si pegeluhken pertendin ertina labo ertoto bagi si man tambar, tupung sakit maka i pan,tapi ertototetap ibas kerina situasi. Jadilah bagi Abraham , jadi pendoa syafaat, lahanya ertoto kerna dirinta tapi pe ertoto kerna keperlun kalaksi deban. Ertoto kerna kejuah-juahen bangsa, masyarakat ,pemerintah ibas paksa pandemi covid-19 enda, gelah Tuhan erdahin guna nehi sura­suraNa rassura-suranta. Tek kita arah pertoton kalak si erkiniteken mbelin kel ulihna guna pehuliken kegeluhen ras kerina tinepa Dibata. Ertotolah guna keperlun kuta e, sebab adi sikap ia ,kam pe ikut sikap. (Jeremia 29:7 b ).Ertina kita harus tetap notoken ija kita tading guna kejuah-juahen ras kesejahteraan inganta tading.

5.Ertoto:

6.Persembahen : Rende KEE no.176 :1

1. 1. lbas toto ku belasken, seh man baNdu Tuhanku
      Ajar aku lah ngaloken, si mehuli akpNdu.
      Pertotonku bagi Yesus, sanga bas kiniseran.
      Labo peratenku Bapa, peratenNdu jadi lah.

7.Ertoto Kerna Persembahen Ras Syafaat.

8.Rende KEE no.182 :1 (endeken 2x).

1. O Tuhan Kam tetap, tedehku man banNdu
   Arapku lalap Kam, nemanigeluhku
   O Tuhan rasa lalap, geluhku temani
   Ola tadingken aku ras Kam tetap

9.Pertoton Tuhan.