1. Rende KEE No . 66 : 1

Useken min Tuhan,KesahNdu Si Badia
Man kami ras teman, di pulung japa gia.
Ajuklah kami pe, megegeh ras nteguh
Lah ibas kami pe,KesahNdu e nggeluh.

2. Ertoto:…

Renungen:  Kejadin 18 : 16-33

Tema: Ertoto Guna Kejuah-Juahen Bangsa.

Ertoto eme berkomunikasi, ercakap-cakap ras Tuhan, nehken pujin, pemindon, nuriken isi pusuh ras kecibal geluhta man Tuhan si mada ras si engkelengi kita. Ertoto usur iandingken bagi kesah nangdangi kalak si erkiniteken, si mere gegeh ras kegeluhen nangdangi pertendin, kalak si tek la terlepas ibas pertoton nari malah eme orat nggeluh kalak si erkiniteken. Kalak si ertoto e lit hubungen si akrab ras Dibata, ia erteman /bersahabat ras Dibata, emaka ibas ia ercakap-cakap/ertoto e labo ia mbiar nuriken ukur ras pemindonna (bagi sekalak anak nangdangi orang tuana ), janah Tuhan pe nuriken sura-suraNa man kalaksi patuh rassi ikelengiNa.

Megati pe usur si kataken arah pengalamen geluh maka jabapen Tuhan nangdangi toto e littelu:

  • Timai lebe (la mis ijabab Tuhan).
    Perlu sabar ras kiniteken nimai pemere Dibata nangdangi pemindonta. Banci siidah uga Abraham nimai padan Dibata ibas ngaloken kesusurenna eme si Isak, seh ia umur 100 tahun. (Kejadin 18:10 …).
  • Mis ijabab Tuhan .
    Tupung Abraham iuji Tuhan kinitekenna guna mpersembahken anakna Isak i deleng Moria lbas paksana Abraham menam nggeleh si Isak, nina Tuhan: “ula uga pa pe ibanndu anak e, mis lit ije anak biri-biri jadi ganti Isakguna ipersembahken (Kejadin 22:11-12 ).
  • La ijabab/Jabapen Tuhan la sue ras pemindon .
    Uga tupung Abraham arih arih ras Tuhan, mindo gelah Sodom ula ikernepken Tuhan, bage pe tupung Tuhan Jesus mindo gelah calung kiniseran e ula min inanamiNa.Teridah maka ibas kita ertoto labo kita si ngaturken jababna tapi peraten Tuhan si jadi, tapi ibas ertoto kita ipegegehi guna ngasup ngidah sura-sura Tuhan ibas pristiwa si alami kita. Alu bage kita la medu-medu ertoto gelah peraten si mehuli iakapNa jadi ibas kita.Bage me ibas renungenta berngi enda, kerna percakapen Tuhan ras Abraham ibas sura-sura Tuhan engkernepken kota Sodom erkiteken meluatna, pendudukna si dem alu kejahaten. Emaka Tuhan mpebetehken rencanaNa man Abraham,nginget maka Abraham nggo idilo Tuhan ras ipadankenNa maka kesusurenna jadi bangsa si mbelin ras pasu-pasu man kerina bangsa-bangsa. Tuhan pe ngarapken maka Abraham mpersiapken kesusurenna erkemalangen man Tuhan, ndalanken si benar ras si bujur, bage pe uga Abraham tetap teridah peduli, ngkelengi ras jadi pasu-pasu man jelma si enterem.

    lbas berita si sehken Tuhan,Abraham ngenehen ibas dampar si deban,kune lit ije kalak si benar adi ikernepken radu ras kalak jahat banci icurnaken /ihujat kalak gelar Tuhan. Emaka ideheri Abraham me Tuhan, nuduhken ketutusen atena guna mindo man Tuhan….piga-piga kali ia alu meseksek mindo man Tuhan gelah ula ikernepken kuta e erkiteken kalak benar si lit ije. Teridah ia mindo man Tuhan kerna keselamaten kuta erkiteken kalak si lit denga benar ije , iulih-ulihina alu jumlah si semakin sitik,ertina bagem kalak benar la banci iabaiken . Mulai ibas jumlah 50 kalak, 45, 40, 30,20, 10, tuhu­tuhu ia ertoto, peduli ,kerna kejuah-juahen ras keselamaten kalak si deban. Nina Tuhan adi lit aku jumpa 10 kalaksi benar la kucedaken kuta e.

    Teridah maka Abraham kalak si erkiniteken labo hanya ia rukur kerna pribadina, tapi ia tetap rukur ras ertoto guna kesejahteran kalak si deban, ibas pemindonna peteridah ia maba pasu-pasu man kalaksi deban.

    lbas ay 33, Abraham labo memaksaken Tuhan guna njabab pemindonna sue ras sura-surana, tapi lawes Tuhan janah ia mulih ku inganna, nuduhken maka pemindon nggo isehkenna, janah iserahkenna jabapenna maka peraten Tuhanlah si jadi.

    Teridah tempa la seh bagi si ipindoken Abraham, kota Sodom ikernepken Tuhan tapi sisi si deban ndauh nggo irencanaken Tuhan guna nelamatken kalak si tek, si benar, eme Lut ras anak-anakna, ndeharana si la patuh tading jadi tunggul sira . Tuhan mperdiateken kejuah-juahen ras kiniulin generasi